Arkivlova § 6: ”Offentlege organ plikter å ha arkiv, og desse skal vera ordna slik at dokumenta er tryggja som informasjonskjelder for samtid og ettertid” 

Arkivforskrifta § 2-2:  Eit offentleg organ skal til ei kvar tid ha ein ajourført samleplan, ein arkivplan, som viser kva arkivet omfattar og korleis det er organisert. Arkivplanen skal også vise kva slags instruksar, reglar, planar m.v. som gjeld for arkivarbeidet.

Arkivplanen gjeld for alle verksemder i Gol kommune og for både manuell og elektronisk dokumenthandsaming. Alle saker som vert handsama politisk eller administrativt i kommunen, skal følgje dette reglementet og bli bygd opp etter felles, vedtekne malar.

Alle nytilsette i kommunen skal få informasjon om kvar dei finn arkivplanen.

Retningslinene i dette dokumentet blir gjort gjeldande som eit internt dokument.